Sin
høge alder til trass, bygda vår har ei relativ kort
lagslivshistorie. Ei foreining av Det Norske Misjonselskap, vart
danna i Mattisløa på 1890-talet. Det hadde kome ei vekkjelsesbølge
på slutten av 1880-åra til Sunnmøre, som fekk namnet «Sandstormen»
etter predikant Paul Gerard Sand. Vekkelsen i bygda hadde vorte så
stor at forsamlinga kun fekk plass samstundes i løa.
Før
1880-åra var det lite lagsliv å spore. Folk rodde sjølvsagt til
kyrkje, som dei hadde gjort i lang tid føre 1800-talet, men noko
meir var der ikkje. Etter Sandstormen vart fleire misjonsforeiningar
etablert og like før 1900 vart det også etablert eit ungdomslag i
bygda vår. I 1932 vart Emblemsbygda Sportsklubb danna og etter andre
verdskrigen fekk vi etter kvart 2 korps også. Det er meininga at du
skal få vita meir om alle dei ulike laga, store som små, her på
emblemsbygda.com
Det har
diverre vore skrive svært lite om denne viktige delen av
bygdehistoria vår, og det vil nok ta tid å få på plass alle
tekstane, samt historiske bilete til. Eg har vald å lage ei eiga
underside for idrettslaget, sjølv om det også er lagsliv, så du
finn dermed ikkje noko om idrettslaget under overskrifta «lagsliv».
God lesnad.
-->