Eg har arbeidd litt med krigshistoria og Emblemsbygda den siste tida. Takka vere Ragnar Ulstein sine unike lydbandopptak med Karl O. Emblem fekk eg ei betre innsikt. Det finst eit stort antal bøker om krigen sjølvsagt og eit stort materiale å leite i for
ein som ser etter sambygdingar midt i desse handlingane.Eg visste at bestefar min var med i 1940 og at han skal ha opplevd krigshandlingane kring Lesja, men å finne ein eller få menneske at i kildetekstar er nestan umogeleg. Karl O. Emblem har gjeve meg opplysningar
om kvar eg kan leite og fortellingane hans er både spanande og verdfulle for ettertida.
Medan eg leitte i tekstmaterialet så dukkar det opp ein som heitte Peder Emblemsvåg i mellom anna Gauldal historielag sine tekstar frå 1945. Andre knyttar ein mann med same namn til Kompani Linge og andre knyttar namnet til Herøy og båten Erkna som transporterte
norske ungdomar over til England. I andre kildesøk finn eg Peder busatt i Elverum og seinare som Oberst i Forvaret. Kan dette vera same mannen? Han er i såfall født etter 1910 og då kan ikkje digitalarkivet nyttast. Peder er heller ikkje noko uvanleg namn
så heilt sikker kan eg enno ikkje vere. Den eine teksten knyttar han til foreldra med både namn og fødselsår. Her er gårdbrukar Lars Karl emblemsvåg (1872-1923) og Karen Marie Myhren (1878-1962) nemnd. Stemmer det så er Peder frå Knutgaren i Emblemsvågen,
bror til Georg Emblemsvåg. Er det nokre som veit meir om Peder og kan avkrefte eller bekrefte opplysningane?